Күтүүдөн чарчагандар

Ал түнү үйгө бара албадым. Үйдөн жаным жай алмак эмес. Шаар ичинде бир топко чейин басып жүрдүм. Карасам, Сололакиге (Тбилисидеги эски райондордун бири) келип калыпмын. Ал жакта Давиташвили көчөсүнүн баш жагында бир жаш жесир аял жашачу. Түн оокумда келгениме таңгалып, жадырап-жайнап тосуп алды. Ары чуркап, бери чуркап, бутумду жууганга ысык суу даярдап, ар кайсыны сөз кылып, учуп-күйүп эле жатты. Бир нече убакытка өзүмдү унутуп койдум. Анткени бул үйдө мен өзүмдү күнөөлүү сезбейм. Бардыгы кадыресе, жөнөкөй сезилет.

Которгон Эрнис Асек уулу