Кол

– Нази, – деди негедир эркелете, – бизде кеңештин канча мүчөсү бар?

– Өзүңүз деле жакшы билесиз да, – деди кадр башчы ого бетер таңдана. – Кеңештин 13 мүчөсү бар эмеспи.

– Анда он үч кол тура.

– Кандайча кол?

– Аа, мен жөн эле…

Кол дегенди өзгөчө бир басым менен айткансыды, Чолпонбектин жүрөгү бир булкуп алды; 12:8 деген сандар куду тирүү жандардай элестеп кетти. Шарт бурулуп, жөнөп калды.

– Агай, – деди Назгүл шашкалактай, – личный листок?..

– Аа… – тык токтоду да, шаша-буша колуна кармата салды. Назгүл да шашкалактап ордуна коё койду да, күткөндөй туруп калды.

Чолпонбек жылмайымыш болуп, үндөбөстөн жөнөдү да, эшикти шарт ачты. Чыгып баратып күрсүнө кетти:

– Адам дегениң айбан экен да!..

Бейшебай Усубалиев